Os docentes e investigadores Pedro Varela Vázquez, María del Carmen Espido Bello e Carlos de Francisco acaban de publicar na revista Historia Agraria o artigo titulado El sueño que no fue: el cultivo del lúpulo en Galicia, 1914-1981. Nel, repasan as causas e orixes deste sector, así como do seu declive na principal zona de cultivo en Galicia ao longo de case sete décadas (Betanzos; A Coruña). Este sector dinamizou agrícola e industrialmente zonas do noreste da provincia da Coruña nas décadas centrais do século XX.
Os autores sinalan que o modelo produtivo orixinal, baseado nas pequenas explotacións agrarias e en abundante man de obra, non se adaptou aos sucesivos cambios no sector en relación á maior mecanización, requisitos técnicos vinculados ao secado ou aos cambios varietales experimentados. Así mesmo, os prezos regulados establecidos orixinariamente no período autárquico, non se adaptaron aos cambios nos custos dos insumos. Todos estes factores incidiron na redución significativa da rendibilidade deste cultivo, o que provocou o seu completo abandono a comezos da década de 1980.
