Presentación do libro Alfageme. Historia e Memoria, publicado polo Instituto de Estudios Vigueses, o día 11 de decembro no Liceo de Bouzas (Vigo). Un libro de afirmación e defensa do valor dun elemento central do patrimonio industrial de Galicia, en perigo de demolición ou fachadización, a través de tres estudos de Xoán Carmona, Xosé R. Iglesias Veiga e Mariña López. Sen querelo o libro convértese ademais nun homenaxe ao recentemente finado Moncho Iglesias, o mellor coñecedor da arquitectura viguesa do tránsito entre os séculos XIX e XX, que deixa aquí a súa última publicación, derradeira lección dun mestre.